मेल-इन एचआईभी परीक्षणको बारेमा
मेल–इन एचआईभी परीक्षणले तपाईंलाई अस्पताल वा परीक्षण केन्द्रमा नगई परीक्षण गर्न अनुमति दिन्छ। तपाईंले आफैँले घर वा आफूले रोजेको स्थानमा औंलाको टुप्पोबाट थोरै मात्रामा रगत सङ्कलन गर्नुपर्छ र पोस्टद्वारा परीक्षण प्रयोगशालामा पठाउनुपर्छ। करिब एक हप्ता पछि, तपाईं अनलाइनमार्फत एचआईभी र सिफिलिस दुवै परीक्षणको नतिजा हेर्न सक्नुहुन्छ। यी दुईमध्ये एक मात्रै परीक्षण लिन मिल्दैन।
मेल–इन एचआईभी परीक्षण गर्ने तरिका
- अनलाइन आवेदन भर्नुहोस्।
- निश्चित स्थानहरूमा एचआईभी परीक्षण किटहरू प्राप्त गर्न सकिन्छ
- परीक्षण किटमा समावेश निर्देशनहरू पालना गर्नुहोस्, आफ्नो औंलाको टुप्पोबाट रगत सङ्कलन गर्नुहोस्, र सङ्कलन गरिएको रगत तोकिएको प्रयोगशालामा पठाउनुहोस्।
- लगभग एक हप्ता पछि, परीक्षण नतिजाहरू सुरक्षित वेबसाइटमा उपलब्ध हुनेछ।
एचआईभी परीक्षणको नतिजा निम्न प्रकारका हुन्छन्: ”नकारात्मक,” ”नतिजा नआएको,” वा ”रक्त परीक्षण आवश्यक छ।”
- नकारात्मक
- एचआईभी एण्टिजेन वा एण्टिबडी फेला परेन। तर, यदि तपाईं हालै जोखिममा पर्नुभएको थियो भने, रोग पत्ता नलाग्न सक्छ। यस्तो अवस्थामा त्यो जोखिम भएको ३ महिना पछि फेरि जाँच गर्नुहोस्।
- निर्धारण गर्न सकिएन
- रगतको मात्रा कम हुनुजस्ता कारणले परीक्षण गर्न नसकिएको।
- रक्त परीक्षण आवश्यक छ
- एचआईभी सङ्क्रमणको सम्भावना भएकोले पुष्टि गर्ने थप रक्त परीक्षण आवश्यक हुन्छ। कहिलेकाहीँ एचआईभी नभए पनि अन्य पदार्थका कारण पनि यस्तो प्रतिक्रिया हुन सक्छ, त्यसैले अस्पतालमा गएर रक्त परीक्षण गर्न आवश्यक छ।
त्यस्तै गरी, सिफिलिस परीक्षणको नतिजा निम्न मध्ये एक हुनेछ: ”नकारात्मक,” ”नतिजा नआएको,” वा ”रक्त परीक्षण आवश्यक छ।” यो सिफिलिस परीक्षणले TP एन्टिबडीहरू पत्ता लगाउने भएकोले, ”रक्त परीक्षण आवश्यक छ” को नतिजाले विगतको सिफिलिस संक्रमणलाई संकेत गर्न सक्छ। तपाईंको हालको संक्रमण स्थिति सही रूपमा निर्धारण गर्न, चिकित्सा सुविधामा रगत परीक्षण गर्नु आवश्यक छ।
एचआईभी परीक्षण किट कहाँ प्राप्त गर्ने
- विशिष्ट वितरण साइटमा
- पोस्ट अफिसमा
- आफ्नो घरमा डेलिभरी
विकल्प ❶ मा, लिन आउने मिति, समय र स्थान आवेदन गर्दा जानकारी दिइनेछ। यो परीक्षण आज्ञात रूपमा गर्न सकिन्छ, तर विकल्प ❷ वा ❸ मा तपाईंले नाम र ठेगाना दिनु आवश्यक हुनेछ। किट प्राप्त भएको पुष्टि भएपछि यी जानकारीहरू मेटाइनेछन्। किट पोस्टमार्फत पठाउँदा भित्र के छ भन्ने जानकारी खुल्नेछैन।
यदि तपाईंले किट प्राप्त गरेर पनि परीक्षण गर्नुभएन भने, परीक्षण पूरा गर्ने भन्ने निर्देशनहरू सहित फेरि सम्पर्क गर्नेछौं।
मेल-इन एचआईभी परीक्षण किट प्राप्त गरेपछि, नमूना सङ्कलन गर्नुहोस् र एक हप्ता भित्र परीक्षण संस्थामा पठाउनुहोस्।
यदि तपाईंको परीक्षणको नतिजाले ”रक्त परीक्षण आवश्यक छ” भन्ने संकेत गर्छ भने, एक चिकित्सकले तपाईंलाई इमेलमार्फत सम्पर्क गरी रक्त परीक्षण गर्न सहयोग गर्नेछन्। यसका लागि, मुख्य अनुसन्धानकर्ताले तपाईंको इमेल ठेगाना र तपाईंले चिकित्सकसँग प्रयोग गर्नुभएको भाषा साझा गर्नेछन्। आफ्नो नतिजा हेरेपछि चिकित्सकले तपाईंलाई सकेसम्म चाँडो सम्पर्क गर्ने प्रयास गर्नेछन्, तर केही अवस्थामा, सम्पर्क गर्न ढिला हुन सक्छ।
परीक्षणसँग सम्बन्धित सल्लाहका लागि, परीक्षण किट आवेदन पृष्ठ र नतिजा हेर्ने पृष्ठ साइट दुवैमा सम्पर्क जानकारी दिइनेछ। कुनै पनि प्रश्न वा चिन्ता भएमा परामर्श सेवालाई सम्पर्क गर्नुहोस्।
कृपया ध्यान दिनुहोस्—नि:शुल्क रूपमा वितरण गर्न सकिने मेल–इन परीक्षण किटहरूको संख्या सीमित भएकाले एक व्यक्तिले केवल एकपटक मात्र दर्ता गर्न सक्छ। साथै, कृपया ध्यान दिनुहोस् कि किटहरू समाप्त भएपछि दर्ता बन्द हुनेछ।
